mh_banner_2025
00_overseaswedding2025

【2025年8大海外熱門結婚地點！】

結婚係人生大事，咁婚禮地點當然都唔可以馬虎啦！相信好多人都希望係可以喺一個浪漫環境下進行一場永世難忘嘅夢幻婚禮，但喺眾多地點選擇中你又會點揀呢？小編就為大家整理咗「2025年嘅8大海外熱門結婚地點」，等各位新人可以搵到最合適嘅結婚地點！


1. 馬爾代夫

馬爾代夫以白沙灘同碧藍海水而聞名，係一個浪漫嘅婚禮天堂。「一島一飯店」嘅設計，確保新人享有充足嘅私隱度。除此之外，仲有多元化嘅結婚場地可以選擇，沙灘、草地、小教堂甚至水底婚禮，為婚禮增添獨特嘅魅力。

01_overseaswedding2025


2. 關島

關島作為美國嘅海外屬地，除咗充滿熱帶風情外，仲有好多好靚嘅海灘，係好多人理想嘅結婚地點。島上大部分嘅教堂都係以藍白色為主調，感覺非常夢幻且神聖，加上關島境內嘅交通非常方便，島上設有9條巴士線基本上已經覆蓋晒島上嘅村莊。

02_overseaswedding2025


3. 蘇梅島

蘇梅島係泰國第三大島嶼，島上擁有壯觀嘅海景加上浪漫嘅氛圍，非常適合拍攝婚紗照。而且呢到擁有多款結婚場地可供選擇，由豪華度假村到隱秘嘅小教堂，可以滿足唔同新人嘅需求。

03_overseaswedding2025


4. 沖繩

講到日本，相信各位都唔陌生，對好多人嚟講更加係好似「返鄉下」咁！而位於日本西南邊嘅沖繩，由香港出發都只係需要2小時。整個市鎮除咗充滿住濃厚嘅日本文化氣息外，都不乏陽光與海灘，四季如春嘅氣候非常適合結婚。

04_overseaswedding2025


5. 峇里島

峇里島係被印度洋圍繞著嘅小島，除咗宜人嘅海岸景觀，仲有火山同河谷雨林等多樣化自然生態，要影靚相完全無難度。島上嘅寺廟更為婚禮增添咗神聖感，而且亦有多樣式嘅結婚形式可供選擇。

05_overseaswedding2025


6. 夏威夷

位於太平洋上嘅蜜月勝地夏威夷，擁有天然美景，使其成為絕佳的婚禮地點。壯麗嘅山脈及海洋為婚禮提供咗美麗嘅背景，而且新人完成婚禮之後仲可以喺呢個蜜月勝地度蜜月添！

06_overseaswedding2025


7. 巴黎

巴黎，被譽為浪漫之都，適合每對渴望浪漫嘅新人。城市嘅每個角落都充滿住愛嘅氛圍，而且當地更擁有多個著名地標，由艾菲爾鐵塔到聖母院，為婚禮提供美麗嘅背景。

07_overseaswedding2025


8. 冰島

如果你想擁有一個永世難忘嘅夢幻婚禮，咁冰島可能就係你最好嘅選擇嚟啦！冰島以其壯觀嘅自然景觀同極光婚禮而聞名。新人可以喺冰川、火山或瀑布之間舉行一場充滿冒險色彩嘅婚禮。

08_overseaswedding2025


以上地點除咗擁有美麗嘅自然環境，還蘊含各自獨特嘅文化同魅力，令每一場婚禮都成為難忘嘅回憶。仲唔快啲選擇鍾意嘅地點，展開一場屬於你嘅精彩婚禮啦！

scrollTopIcon

Mobile Web    facebook    instagram

Audace Logo
©2025 •AUDACE INTERNATIONAL FAIRS LTD.